بتتذكروا؟!!!

بتتذكروا.. يوم يجي أخوك الأكبر منك ويقول لك: بدك أرسم لك ساعة وانت تمد إيدك ويعضّك هيديك العضة اللي تضل مرسومة أسبوع.

بتتذكروا.. تلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل.

‏ بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي بتكون النطة غلط ومنكسر إيدينا.

‏ بتتذكروا.. يوم كنا نحط قنينة البيبسي بالتلاجة مشان تصير متلجة وكل ما بدك تجي تاخدها تلاقي الوالدة حاططتها تحت ومنها متلّجة.. يا حسرة.

بتتذكروا.. لما كنا نشطف البرندة بالصابون ونضل نتزحلط عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة..

بتتذكروا... عزايم قبل والسفرة وشرشف الطاولة اللي عليه صورة ‏فواكه..

بتتذكروا الكراسي القش عند تاتا اللي لما تقوم تلاقي سيقانك عليها خطوط ومربعات.

بتتذكروا.. أيام الدراسة لما نشد حيلنا بالدرس ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!!

بتتذكروا.. أول ما يسرق الأولاد سيارة أبوهم كانت الرجل اليمين على البنزين والرجل الشمال على الفرام من شدة الفرحة .... ‏ولازم طبعاً يمرق على أولاد الحارة ويطلعوا معو شي خمسين واحد

‏ بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا...
يقول لك: مش رصيفكن هيدا مش شايف اسمك عليه
كلام منطقي, ‏ويضل يمرق قدام البيت نكاية ويقلك مادخلك.

بتتذكروا.. لما يروحوا الأولاد السوق مع أبوهن أو أمهن مشان يشتروا تياب للعيد ..وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسب الله.

بتتذكروا.. لما الشباب بدهن يعملو عضلات يروحوا يترسوا علب النيدو باطون ويحطون بينهن عمود حديد وهووووووووب وآخر شي منكسرة ضهورهن.

بتتذكروا...لما نشيل الفرش والشراشف ونعملهن خيم ...أو ناخذ المخدات الكبيرة ونعمل بيوت.

بتتذكروا لما كنا نقسم الجيران فريقين ونلعب سبع بلاطات ولقيطة وغميضة...

واللي ما عمل شي من المذكور فوق بيكون من جيل الهمبرغر وسبيس توون وأبطال الديجتال..راحت عليكم هديك الأيام
أولاد هالأيام بتلاقيه عايش مرحلة وحده بس ألا وهي مرحة الكبار: سيارة وموبايل و كزدورة في الشوارع والمطاعم. ماشاف لا أفلام كرتون ولا لعب وهو صغير..

للأسف صار الجيل الجديد بلا هوية

الله يرحم هديك الأيام كنا مبسوطين

اتمنى للجميع حياة سعيده دمتم بخير جميعا

<<مما راق لي>>
تحياتي الملائكية

عدد المساهمات : 50 تاريخ التسجيل : 26/12/2010

الله يرحم هديك الأيام كنا مبسوطين
رزق الله على هيديك الايام بعدنا اليوم كنا بالسيرة مش بس عن اللعب والاكل كمان
ايام ما بتنسى (بس بينتنا بعدنا لما منطلع على الضيعة منرجع ولاد صغار ومنلعب العاب زمان Twisted Evil

)
يا ريت بترجع هيديك الايام نرجع نشيطن Twisted Evil

شكرا على لحظات ايام زمان
تحياتي

الملاك الحزين كتب:: الله يرحم هديك الأيام كنا مبسوطين
رزق الله على هيديك الايام بعدنا اليوم كنا بالسيرة مش بس عن اللعب والاكل كمان
ايام ما بتنسى (بس بينتنا بعدنا لما منطلع على الضيعة منرجع ولاد صغار ومنلعب العاب زمان )
يا ريت بترجع هيديك الايام نرجع نشيطن
شكرا على لحظات ايام زمان
تحياتي

hehe
ايه والله رزق الله على هيديك الايام
شكرا الملاك على المرور
نورتي